विजय हटकर लिखित "जनसेवक सुधाभाऊ " पुस्तकाचे लांजा येथे प्रकाशन.
लांजा :-
एक आदर्श ग्रामसेवक ग्रामविकासाचा रथ किती उत्तम प्रकारे वाहू शकतो याचा आदर्श उभा करित सरकारी अधिका-यांसमोर जनसेवक सुधाभाऊ पेडणेकर एक मिसाल बनले अाहेत असे कौतुकोद्गार पद्मश्री परशुराम गंगावणे यांनी लांजा काढले.
लांजा शहरातील नवोदित लेखक, पर्यटन अभ्यासक विजय हटकर यांनी लिहिलेल्या "जनसेवक सुधाभाऊ" या पुस्तकाचे शिवस्वराज्यभिषेकाच्या शुभमूहुर्तावर पद्मश्री परशुराम गंगावणे व महाराष्ट्र राज्य ग्रामसेवक युनियनचे राज्याध्यक्ष श्री एकनाथजी ढाकणे यांच्या शुभहस्ते प्रकाशन झाले.ग्रामीण भागातील जनतेकडून 'भाऊ' या जवळीक साधणा-या नावाने ओळखले जाणारे ग्रामसेवक गावोगावी कार्यरत असतात.केंद्र आणि राज्य सरकारच्या अनेक लोकहितार्थ योजना अडीअडचणीतील खेडेगावात आणि सामान्य ग्रामीण जनतेपर्यंत नेणारा तो महत्वाचा दूवा असतो.या पदाचे सामर्थ्य ओळखत ३१ वर्षाच्या सेवेत लोकहिताला सर्वोच्च प्राधान्य देतानाच सामाजिक बांधिलकी जपणा-या श्री सुधाकर उर्फ सुधाभाऊ जयराम पेडणेकर यांच्या सेवापुर्तीनिमित्त आयोजित केलेल्या सेवापुर्ती सन्मान सोहळा व ग्रामसेवक स्नेहमेळाव्याचे अौचित्य साधून विजय हटकर लिखित जनसेवक सुधाभाऊ या पुस्तकाचे दिमाखदार प्रकाशन करण्यात आले.
यावेळी व्यासपीठावर ,उत्सवमूर्ती जनसेवक सुधाकर पेडणेकर ,संघाध्यक्ष सुभाष लाड, उल्काताई विश्वासराव ,गटविकास अधिकारी संतोष म्हेत्रे, ग्रामसेवक युनियनचे जिल्हाध्यक्ष अनिल शिंदे ,उपाध्यक्ष नाथा पाटील,रत्नागिरी जिल्हा ग्रामसेवक सहकारी पतसंस्था संचालक अर्जून नागरगोजे, संजय दळवी, डाॅ.मंगेश हांदे ,शिवाजी पेडणेकर, कोकणी माणूसचे संपादक राजेंद्रप्रसाद मसुरकर, माजी राज्यसचिव विजय खवळे ,संदिप हांदे, संजय लोखंडे, गणपत शिर्के ,महेंद्र साळवी, चेतन दाभोळकर, अरुण आपटे ,लेखक विजय हटकर , कीरण बेर्डे , प्रकाश हर्चेकर आदि मान्यवर उपस्थित होते.
लांजा तालुक्यातील रिंगणे गावचे सुपुत्र व तळवडे ता.राजापुरचे ग्रामविकास अधिकारी श्री सुधाकर पेडणेकर यांच्या जीवनाचा आलेख मांडणारे हे पुस्तकाचे महाराष्ट्भर वितरण करुन ग्रामसेवक ग्रामोद्धाराचे कार्य कशा पद्धतीने करित असतात हे लोकांपर्यंत पोहचवुन ग्रामसेवकांना प्रतिष्ठा मिळवून देण्याकामी लेखक विजय हटकर व प्रकाशक सुभाष लाड यांनी पुढाकार घ्यावा असे प्रतिपादन ग्रामसेवक युनियनचे राज्याध्यक्ष एकनाथराव ढाकणे यांनी करित जनसेवक सुधाभाऊंच्या ३१ वर्षाच्या निरपेक्ष वाटचालीचा गौरव करित नव्या पिढितील ग्रामसेवकांनी सुधाभाऊंंनी दाखविलेल्या पायवाटेवर चालत विकासाचा महामार्ग करावा असे आवाहन केले.लांजा शहरातील न्यू इंग्लिश स्कूल व तु.पुं.शेट्ये कनिष्ठ महाविद्यालयात कार्यरत असलेले विजय हटकर हे शैक्षणिक क्षेत्रासोबतच पर्यटन, इतिहास, पर्यावरण क्षेत्रात कार्यरत असून 'मोडीदर्पण' या दिवाळी अंकाचे कार्यकारी संपादक अाहेत. नाटककार ला.कृ.आयरे ,गुरुवर्य या दोन यशस्वी पुस्तकानंतर विजय हटकर यांचे 'जनसेवक सुधाभाऊ ' हे तिसरे पुस्तक काल दिमाखदार सोहळ्यात प्रकाशित झाले. या कार्यक्रमाचे औचित्य साधून आयोजित केलेल्या ग्रामसेवक स्नेहमेळाव्यात माजी सेवानिवृत्त ग्रामसेवक बंधू -भगिनी व ग्रामसेवकांंच्या कर्तृत्ववान मुलांचा सत्कार करण्यात आला.
कार्यक्रमाचे निवेदन लेखक विजय हटकर यांनी तर आभार संजय लोखंडे यांनी मानले.
No comments:
Post a Comment