पं. अजित कडकडेंची भेट

 पं. अजित कडकडेंची भेट.

शास्त्रीय आणि सुगम संगीताचे सुप्रसिद्ध गायक पं. अजित कडकडे यांचा रिंगणे, ता. लांजा येथील श्री देव गांगो मंदिरात आज महाशिवरात्री निमित्त शास्त्रीय आणि सुगम संगीताचा कार्यक्रम आयोजित करण्यात आला होता. आमचे सन्मित्र अजय आयरे यांनी यासाठी विशेष पुढाकार घेतला होता. आपल्या लांज्याच्या भूमीत एवढ्या मोठ्या कलावंताचे पाय लागलेत हे कळताच सावर्डे जवळील मांडकी पालवण मधील ग्रामीण कृषी सहकार साहित्य संमेलन आटपून थेट रिंगणे गाव गाठले. सोबत आदरणीय सुभाष लाड सर, सौ. पौर्णिमा व कन्या विधी ही होती. पंडित अजितजी कडकडे सरांसोबतचा हा संस्मरणीय क्षण कॅमेर्‍यात टिपून घेतला. कडकडे सरांच्या सहवासातील या अर्ध्या तासात स्वयंशिस्त, स्वावलंबीपणा, प्रेम म्हणजे ईश्वर, आनंद म्हणजेच ईश्वर हे भक्तिचे अनुकरण्यास साधेसोपे तत्वज्ञान आणि साधना म्हणजे प्रचंड मेहनत व सातत्यपूर्वक सराव आदी जीवनाला दिशा देणाऱ्या काही मूलभूत गोष्टी शिकता आल्या.