कनिष्ठ महाविद्यालय,लांज्याच्या शैक्षणिक सहलीचा वेध घेणा-या "पुणे तिथे काय उणे" या ब्लाॅगसिरिजचे मान्यवरांच्या हस्ते प्रकाशन.
@@@@@@@@@@@@@@@@@@

लांजा:-
       न्यू इंग्लिश स्कूल व तु.पुं.शेट्ये कनिष्ठ महाविद्यालय लांजाच्या दोन दिवसीय पुणे सहलीचा वेध घेणा-या "पुणे तिथे काय उणे" या विशेषांकाचे (ब्लाॅग सिरिज)  नुकतेच युवा नेतृत्व अजित यशवंतराव यांच्या शुभहस्ते प्रकाशन झाले.
     लांजा कनिष्ठ महाविद्यालयाचा वार्षिक पारितोषिक वितरण नुकताच संपन्न झाला.यावेळी शिवशंभू व्याख्याते  मा.श्री शिवश्री शुभम चव्हाण, युवा नेते अजित यशवंतराव, संस्थाध्यक्ष जयवंत शेट्ये ,सचिव विजय खवळे ,संजय तेंडुलकर, राजेश शेट्ये,दिलीप नारकर,मुख्याध्यापक गणपत शिर्के,उपमुख्याध्यापक रमाकांत सावंत, पर्यवेक्षक दिनेश कीर्तने ,महेश सप्रे आदि मान्यवर उपस्थित होते.
   विद्यार्थ्यांना पाठ्यपुस्तकी शिक्षणाच्या चॊकटिबाहेरिल जगाची ओळख करुन देण्यासाठी शैक्षणिक सहल हा सहशालेय उपक्रम महत्वपूर्ण ठरतो.या सहलींच्या माध्यमातून वर्गाध्यपनात अभ्यासल्या जाणाऱ्या विविध विषय व घटकांचा प्रत्यक्ष अनुभव घेता येतो.विद्यार्थ्यांच्या सर्वांगीण विकासात सहल महत्वपूर्ण ठरते.
सहल हा भौगोलिक आणि ऐतिहासिक माहीतीसाठी उत्तम प्रकार आहे. गड-किल्ले पाहणे,  धरण, पर्यटनस्थळ पाहणे किंवा मग ऐतिहासिक किंवा भौगोलिक स्थळ पाहणे हे औत्सुक्याचा विषय ठरतो. मुलांना पर्यटन आवडते. त्यातून जी ज्ञानप्राप्ती होते ती चिरःकाल टिकाऊ स्वरूपाची असते.कायम स्मरणात राहते. मिळविलेल्या ज्ञानाचे उपयोजन आणि दृढीकरण होते किंबहुना ते शिक्षणाचेच कार्य आहे.
      गत काही वर्षात शालेय सहली दुर्दैवी दूर्घटनांमुळे चर्चेच्या केंद्रस्थानी राहिल्या.सहली नेऊच नयेत या टोकापर्यंत काही    शिक्षणातला गंध नसलेले तज्ञ आले.शिकषण विभागाने परिणामी सुरक्षिततेच्या दृष्टीने सहलीचे  आयोजन करताना कठोर नियमावली तयार केली.त्याच्या चॊकटित बसून सहल नेणे आज कठिण झाले आहे.परंतु नियमांच्या अधीन राहून सुद्धा सहलींचे सुंदर नियोजन करता येये असे मानणाऱ्या आम्ही सर्वांनी यंदा "भारताचे आॅक्सफर्ड पुणे "येथे दोन दिवसीय सहलीचे आयोजन केले.या कामी मुख्याध्यापक श्री गणपत शिर्के सर, उपमुख्याध्यापक श्री रमाकांत सावंत सर,पर्यवेक्षक श्री दिनेश किर्तने सर,युनिटप्रमुख सॊ.माधुरी गवळी मॅडम, सहलप्रमुख श्री हनुमंत सरवळे सर मार्गदर्शन व पाठबळ लाभले.त्यांच्या सकारात्मक पाठिंब्यामुळेच ४५ जणांची आमची पुणे सहल यशस्वी झाली.
 पुणे सहलीत विद्यार्थ्यांनी प्रतिबालाजि,कात्रज सर्पोद्यान, शनिवारवाडा,दगडूशेठ हलवाई गणपती, तुळशीबाग, नाना फडणवीसांचा वाडा ,विश्रामबाग,सारसबाग,      भारतातील मुलींची पहिली शाळा,डाॅ.केळकर यांचे राजा दिनकर केळकर संग्रहालय, पर्वती,पेशवे म्युझियम, चतु:श्रृंगी मंदिर, जंगली महाराज मंदिर, पाताळेश्र्वर. लेणी, आधुनिकव्यापारि  माॅल,व सावित्रीबाई फुले पुणे, विद्यापीठ व आंतरराष्ट्रिय केंद्र या ठिकाणांना भेट दिली.
या भेटित सहभागी विद्यार्थ्यांनी परदेशस्थ आखाती देशातील (अफगाणिस्तान, इजिप्त, येमेन,इराक,इराण,कझाकिस्तान) व पूर्व आशियायी देशातील(चीन, जपान,मलेशिया) विद्यार्थ्यांशी सुसंवाद साधला.
  या सहलीच्या माध्यमातून विद्यार्थ्यांना अनॊपचारिक शिक्षणातून माहितीचा खजिनाच प्राप्त झाला.पुण्यासारख्या महानगरातील शैक्षणिक वातावरण, शिक्षणाची संधी, रोजगार उपलब्धता आदी बाबींची माहिती प्राप्ती झाली.या विशेषांकाच्या माध्यमातून आलेली अनुभूती व विद्यार्थ्यांना भवितव्याच्या दृष्टीने सजग बनविणाऱ्या "पुणे तिथे काय उणे"या सहलीचा वेध घेण्याचा प्रयत्न केला आहे.या कामी मार्गदर्शिका सॊ.माधुरी गवळी, आमचे सहकारी सॊ.वर्षा तेंडुलकर, श्री आनंद भागवत ,माजी विद्यार्थी श्री महेश लांजेकर,श्री विनायक राणे, युवा नेते अजितजी यशवंतराव,पुणे विद्यापीठ सिनेट मेंबर्स श्री अभिजित बोके,सोमनाथ लोहार,दीपक पवार,  एस्.टी.ड्रायव्हर श्री जुवेकर,संत गाडगेबाबा मठ ,पुणे या सर्वांचे सहकार्य लाभले.यांच्या प्रेमळ सहकार्यानेच विद्यार्थ्यांना "पुण्यनगरी" चा वेध घेता आला.

        आपला
  श्री विजय हटकर.