पुणे तिथे काय उणे
स्पेशल ट्रिप ब्लाॅग
थेट पुण्यातून ...
      (विजय हटकर)
🚍🚍🚍🚍🚍🚍🇮🇳🎯
     भाग ०५
माजी विद्यार्थ्यांची बांधिलकी...
⛳⛳⛳⛳⛳⛳⛳
        आमची दोन दिवसाची पुणे सहल निश्चित झाल्यापासून हि सहल यशस्वी करण्यासाठी पडद्यामागची काही मंडळी देखील आमच्याच इतकी किंबहूना अामच्यापेक्षाहि अधिक मेहनत घेत होती.
    भारतातील सहाव्या क्रमांकाचे मोठे शहर,भारतातील राहण्यासाठी सर्वोत्तम सुविधा असलेले शहर,तंत्रज्ञानभिमूख नगरी, डेक्कन आॅफ क्वीन" पुणे" शहर सहलीच्या माध्यमातून पाहण्यासाठी कोकणातल्या आपल्याच तालुक्यातून  येत असलेल्या मुलांची निवासाची योग्य व्यवस्था व्हावी, पुणे महानगरितल्या विविध ठिकाणांना भेट देताना येथील प्रचंड ट्रॅफिकचा  फटका त्यांना बसू नये, कोणता रस्ता वनव्हे आहे,कोणता नाहि,कुठल्याहि  ठिकाणी भेट देण्याचा योग्य वेळ कोणता असावा, यासारखी सहलीच्या दृष्टीने अत्यावश्यक असलेली माहितीही सहलीच्या अगोदरच  संपर्कमाध्यमांच्या द्वारे आम्हा पुणे सहलीचे नियोजन करणा-या नियोजनकारांना त्यांनी   दिल्याने पुणे सहल यशस्वी करण्याच्या आमच्या प्रयत्नांना अधिक पाठबळ मिळाले.
आपल्या काॅलेजच्या विद्यार्थ्यांची सहल पुणे इथे येत आहे हे समजल्यापासून सॊ.गवळी मॅडम यांच्या संपर्कात राहणारी हि पडद्यामागची मंडळी म्हणजे ज्युनियर काॅलेज लांजाची माजी विद्यार्थ्यांची सन १९९०-१९९१ बॅचची लोकप्रिय जोडगोळी श्री विनायक राणे व श्री महेश लांजेकर होय.आतापर्यंत त्यांच्या सहकार्याविषयी ऎकुन असणा-या आम्हा नवोदितांच्या सहलीला ते मदत करत असल्याने पुणे सहलीत या सह्द्य मंडळीना भेटण्याची उत्सुकता वाढली होती.
      काही तांत्रिक कारणाने आम्हाला पुण्यात जायला विलंब झाल्याने  दिनांक १८ डिसेंबर रोजी कात्रज येथे सकाळी ०९ च्या दरम्यान होणारी आमची पहिली भेट लांबत -लांबत चक्क रात्री ०८:३० च्या सुमारास पुण्याचे ग्रामदैवत श्री कसबा गणपतीच्या मंदिरात  झाली.या मंडळींनी लांजाहून पुणे येथे सहल येणार म्हटल्यावर दिवसभरातील आपली सर्व कामे बाजूला ठेऊन आमच्यासाठि भोजनाचे सुंदर नियोजन करून ठेवले होते. त्यामुळे सर्व विद्यार्थी व शिक्षकांना माफक दरात भोजनाचा आस्वाद घेता आला.त्यांच्यामुळेच आम्हा ०४ शिक्षकांसह. ४० विद्यार्थ्यांची व्यवस्था सोमवार पेठेतील संत गाडगेबाबा मठात अत्यंत माफक दरात झाली होती.  
     या मठात रात्री ०९ च्या सुमारास काॅलेजच्या वतीने श्री विनायक राणे व श्री.महेश लांजेकर यांना युनिटप्रमुख सी.गवळी मॅडम यांच्या हस्ते त्यांनी दिलेल्या सहकार्याबद्दल सन्मानित करण्यात आले . यावेळी पुण्यातील या माजी विद्यार्थ्यांच्या वतीने  सॊ. गवळी ,सॊ. तेंडुलकर, श्रीभागवत श्री हटकर यांचा शाल देऊन  सत्कार करण्यात आला.अचानकपणे आम्हा सर्वांचा व खास करून सॊ.गवळी
मॅडम यांचा हृदय सत्कार त्यांनी केल्याने एक वेगळेच भावनिक वातावरण यावेळी संत गाडगेबाबा मठात तयार झाले.कारण सॊ. गवळी मॅडम सन २०१९ मध्ये नियत वयोमानानुसार निवृत्त होत असल्याने हि पुणे सहल त्यांची शेवटची शैक्षणिक सहल होती.
यावेळी सॊ गवळी मॅडम यांची हि दोन दिवसीय सहल संस्मरणीय करण्याचा मानस श्री विजय हटकर यांनी व्यक्त करित पहिल्या  दिवशी शिस्तीचे प्रदर्शन करणा-या  सहलीतील सर्व विद्यार्थ्यांचे कॊतुक केले.श्री विनायक राणे यांनीही महाविद्यालयीन अवस्थेत सहलीच्या माध्यमातून  सॊ.गवळी मॅडम सोबतच पुणे सारखे महानगर पाहिल्याची आठवण ताजी करत आम्ही आज पुणे शहरात स्थायिक झाल्यानंतर आपल्या प्रशालेच्या येणा-या सर्वच सहलींना आतापर्यंत सहकार्य केले असून आगामी काळातही करणार असल्याचा शब्द दिला.व शाळेच्या कृतज्ञतेतून थोडं मुक्त होण्याचा प्रयत्न केला.आज या सहलीत आलेल्या विद्यार्थ्यांनीहि अशाच प्रकारे  पुढील आयुष्यात आपल्या    गावातील मुलांना सहकार्य करावे असा प्रेमळ सल्लाही दिला.
   यावेळी निवृत्त होण्याअगोदरच त्याची चाहूल देणा-या या माजी विद्यार्थ्यां कडून अनपेक्षित अशा हृद्ययस्थ झालेल्या सत्काराने सॊ. गवळी मॅडम भारावून गेल्या.यावेळी सत्काराला उत्तर देताना लांजा ज्युनियर काॅलेजच्या युनिटप्रमुख सॊ.गवळी मॅडम यांनी जुन्या आठवणींना उजाळा देत माजी विद्यार्थ्यांचे केलेल्या सत्काराबद्दल कॊतुक केले.
    पुणे महानगरात एम.बी. घारपुरे या कंपनीत श्री महेश लांजेकर कार्यरत आहेत तर श्री विनायक राणे हे सहकार,पणन व वस्त्रोद्योग विभागात विधी अधिकारी म्हणून कार्यरत आहेत.महानगरात येऊन स्थिरस्थावर झाल्यावरही आपल्या गावाशी असलेली नाळ व ऋणानुबंध त्यांनी अद्यापही तुटू दिलेली नाही हेच या प्रसंगातून दिसून येते.कोकणातील ग्रामीण भागातील मुलांचे शैक्षणिक व इतर कोणत्याही क्षेत्रात उज्वल भवितव्य घडविण्यासाठी प्रयत्नशील असलेल्या श्री महेश लांजेकर व श्री विनायक राणे यांच्यासारख्या सहृदयस्थ व्यक्तीमत्वांकडून आजच्या पिढीने बरेच काही शिकण्यासारखे आहे.
       श्री विजय हटकर,
       श्री आनंद भागवत.
🙏🏻🙏🏻🙏🏻🙏🏻🙏🏻🙏🏻
क्रमश...