नुकताच पुण्याला सहलीच्या निमित्ताने जाणे झाले.या शॆक्षणिक सहलीत माध्यमातूम पुण्यनगरिचा वेध घेता आला .हा वेध पुढील ०८ भागांमध्ये मांडत आहे.
पुण्यासारख्या महानगरातील शैक्षणिक संधी, शैक्षणिक वातावरण आमच्या काॅलेजच्या विद्यार्थ्यांना जवळून अभ्यासता आले.लांजा ते पुणे या दोन दिवसीय  शैक्षणिक सफरितील अनुभूती पुणे तिथे काय उणे या ब्लाॅग सिरिज मधून मांडण्याचा हा प्रयत्न..

⛳⛳⛳⛳⛳⛳⛳⛳⛳⛳⛳⛳⛳⛳⛳⛳🚍🚍🚍🚍🚍🚍🚍🚍
⛳⛳⛳⛳⛳⛳⛳⛳⛳⛳⛳⛳⛳⛳⛳⛳🚍🚍🚍🚍🚍🚍🚍
पुणे तिथे काय उणे
स्पेशल ट्रिप ब्लाॅग.
थेट पुण्यातून...
    (विजय हटकर)
🚍🚍🚍🚍🚍🚍🇮🇳🎯
भाग ०१
जीवन म्हणजे संघर्ष..
मान्यवरांच्या आशीर्वादाने लांजा ज्युनियर काॅलेजची दोन दिवसीय ट्रिप पुणे येथे रवाना.
      जीवन म्हणजे संघर्ष.याचा प्रत्यय काल रात्री दोनच्या सुमारास मलकापूर डेपो येथे आला.आमची  पुणे सहलची एसटी आंबा घाट सुरळीत पार करून मलकापूर येथे आली असता गाडीत तांत्रिक बिघाड झाला .आम्हि सर्व जण त्यामुळे टेन्शनला आलो.ड्रायव्हर जुवेकर यांच्या साथीने मग आमची पुढील बंदोबस्तासाठी धावपळ सुरू झाली.दिड वाजता ड्युटी संपल्याने डेपोत सुरक्षा रक्षकाशिवाय कोणीही नव्हतं.
त्याने  असहकाराचे अस्त्र बाहेर काढल्याबद्दल पेच आणखी वाढला.मलकापुर डेपोतील कोणत्याही  अधिका-याचा संपर्क होत नव्हता.लांजा डेपोचे श्री यादव साहेब यांना फोन करताच त्यांनी भर रात्री उठून मुलांच्या सुविधेसाठि धावाधाव सुरू केली.पण मलकापूर डेपोतुन कोणतच सहकार्य नसल्याने शेवटि लांजा डेपोतून बदली गाडी पाठविण्याचा निर्णय घेण्यात अाला. एसटी स्टँण्डच्या परिसरात यावेळी मलकापूर डेपोच्या कोणत्याही वरिष्ठ अधिकाऱ्याचा नंबर मिळावा म्हणून शिक्षकांसह विद्यार्थीही धावपळ करत होते.पण स्टँण्डच्या आवारात एसटि अधिकाऱ्याचा नंबर नसावा याचे आश्चर्यच वाटत होते.इतक्यात सहलीचे नियोजनकार श्री हटकर सर  व भागवत सर यांनी मलकापूर डेपो मॅनेजर भोसलेसाहेब यांचा नंबर मिळवला व.  त्यांना आलेली अडचण कथन केली. तोपर्यंत जवळपास पाच वाजले होते.मुलांच्या सहलीतील तीन तास वाया गेले होते.
पण भोसले साहेबांनी प्रसंगावधान दाखवत दुस-या गाडीचा बंदोबस्त केला.व मलकापूर डेपोच्या बसने लांजा काॅलेजची ४५ जणांची टिम पुण्याला रवाना झाली.या काळात सहलप्रमुख गवळी मॅडम, तेंडुलकर मॅडम यांनीही  दाखविलेली समयसूचकता कॊतुकास्पद होती.

   अडचणींवर मात करत पुढे जाणे हाच जीवनाचा सार आहे याची अध्ययन अनुभूती याप्रसंगातुन मुलांना मात्र नक्कीच मिळाली.
  क्रमश..